父母延遲至今晚返港　森美：全家心情好多起伏

森美父母滯留「疫船」鑽石公主號郵輪多日，昨日（20日）終於獲悉雙親檢疫結果呈陰性，可以落船，預料晚上6點搭第二班包機回港，當時他都開心表示：「一知道佢哋冇事就安心。」並謂最緊要二人能盡快回港，遠離病源；惜最終宣佈，第二班包機未能如期於昨晚起飛，需延遲至當地時間今日傍晚6點起啟返港。

對此，森美今晨於電台節目中直言，今次疫情令全家心情好多起伏，他亦感到有少少失望，又說：「原先昨日落船，但最後落唔到，繼續坐艇，都唔知點算，後來睇新聞話有另一個國家落先，香港就讓路今日先落，都係嗰句，快啲落船，返到香港喺邊到隔離都無所謂，希望今日可以返到香港。」