李施嬅狂搵老師惡補歌藝　海俊傑讚唱得好：TVB走寶

李施嬅和海俊傑現身商台為合唱新歌《二次緣》宣傳，談到歌曲今日推出，李施嬅表示好可惜因疫情關係，好多人不敢去唱K，所以考慮跟海俊傑在網上跟觀眾唱歌，又指拍劇多年未有機會唱主題曲，豈料跟TVB完約後獲得垂青，她說：「多謝他畀機會我，我是樂壇新人。不過為了這首歌找了三個歌唱老師、兩個歌手學唱歌，仲搵埋豹哥（單立文）、豹嫂（胡蓓蔚）指點。」在旁的海俊傑則笑言TVB走寶，大讚對方唱得很好，又認為對方可以獲得樂壇新人獎。

另外，李施嬅表示明日飛赴加拿大拍網劇，由於《法證先鋒VI》監製梅小青想她趕回港睇大結局，所以會盡量度期，乘搭飛機時會準備消毒用品清潔座位兼戴口罩，並會自備樽裝水，她說：「機程有15小時，飛機餐可以不吃，但洗手間不能不去，睇兩套戲就到啦！」