【播毒郵輪】同行朋友檢測呈陰性　森美未知父母能否落船

停泊於日本橫濱的鑽石公主號郵輪，至今超過540人確診新冠肺炎（前名：武漢肺炎），淪為「海上版武漢」！今日14天的隔離期終於屆滿，船上約500名完成檢疫的乘客可陸續落船，當中有20名是港人，保安局局長李家超今晨表示，船上共352名香港居民，目前確診港人增至53名，另逾200人願意乘坐港府的免費包機回港。

早前自爆父母滯留鑽石公主號的森美，昨日於電台節目《早霸王》中，坦言為雙親感到憂心，今日他再於節目中交代最新情況，對於有指二人回港後不願隔而遭網民炮轟，森美代為澄清：「阿媽同我講『阿仔我哋冇話唔返香港，冇話唔肯隔離』，我話我哋冇咁講，我都叫你哋返嚟要隔離。」並謂大批港人仍在等候檢驗結果，森美父母則未有收到，亦未知今天能否落船，他續道：「上唔上到機未知，唔知結果出咗未，只能透過我講畀船上嘅屋企人知，佢哋返嚟就會接受隔離，佢哋叫我講畀大家聽，同埋冇乜嘢叫我唔好再講佢哋啦。」

森美又透露因日本政府未有發放資訊，乘客們只依歲數分別去檢測，其父母的好友已進行檢驗，結果身邊朋友都呈陰性，令他也尚算鬆一口氣：「我就安心啲啦，但仲未知落唔落到船，今日有幾多落到船入境處嗰邊都未知，日本檢測數字未公佈。」又叮囑成功登機回港的乘客別太疏忽，在飛機上亦要盡量做足防疫措施，他說：「我都叫爸爸媽媽如果上機唔好食嘢，去廁所要洗手清潔乾淨。」