星島日報

【父母困船上】鑽石公主號確診個案急升 森美感憂心:好似唔樂觀

2020-02-18 13:36
雙親被困船上的森美直言開始感到擔心。
雙親被困船上的森美直言開始感到擔心。

停泊於日本橫濱的鑽石公主號郵輪,截止今晨已有454人確診新冠肺炎(前名:武漢肺炎),成為感染人數最多的郵輪!日前,森美透露父母不幸搭上鑽石公主號,目前滯留船上「隔離」超過10日,雖然港府將安排兩架包機接回香港乘客,但森美仍難免為雙親感到憂心,他今晨於主持的商台節目《早霸王》中,表示最初聞說潛伏期為14至20日,患者通常於第4至5日出現病徵,故見父母到5、6日都無徵狀便較安心,惟近日卻開始有點擔心,皆因他亦覺得似乎不太樂觀,森美說:「噚日見到確診個案中有70個係無病徵,即係分隔咗11、12日有確診,即係有新感染,同埋可以潛伏咁耐。」

森美(左)今晨於主持的商台節目《早霸王》中,主動提及「鑽石公主號」事件。
森美(左)今晨於主持的商台節目《早霸王》中,主動提及「鑽石公主號」事件。
森美希望父母先離開郵輪,以減低「中招」風險,亦情願二人返港後入住隔離營。
森美希望父母先離開郵輪,以減低「中招」風險,亦情願二人返港後入住隔離營。

談到因未清楚船上的傳染源頭,乘客惟有在房中隔離,森美直言也有叫媽咪沖涼時用濕毛巾封實渠位,平日亦要倒水落去,又稱:「因為係中央冷氣出風,喺門口同廁所抽風走風,𠵱家都叫父母喺房中戴口罩。初時職員送餐係無封,經要求後已經放入盒,水就無問題,係樽裝水,但就叫佢哋唔好同職員交談,因為之前有檢疫人員都確診,而餐具就要用滾水洗,不過我叫佢哋好似滾奶樽咁,煲五分鐘。」至於父母的測試報告,他指預計要兩日時間才有結果,希望一切平安無事。

森美的父母目前仍困在鑽石公主號中。
森美的父母目前仍困在鑽石公主號中。

對於是否想早日跟父母團聚,森美表示:「最重要係父母先離開郵輪,其他事都係次要,因為船上確診個案每日增加,再唔落船就慢慢有被傳染嘅可能。」拍檔阮小儀則謂,有乘客表示不想回港後再隔離14日,森美指經過快速測試後,應可證明體內沒有病毒,故比從其他地方入境,只靠探熱及填寫申報表更安全,但他強調以上不想再被隔離及入境安全理論,並非自己和父母的看法,並謂:「作為仔,唔係我不孝,我情願佢哋返港後入隔離營,因為地球很危險,佢哋入住隔離營我會心安啲,因為嗰度安全,佢哋又測試咗無事,我媽咪話都係,但暫時未知結果,再睇下點再討論。」

最新回應

關鍵字

相關新聞

熱門文章