依期潮流興公佈有咗 山聰：2020多個身份陳爸

今個情人節，香港娛樂圈已有楊怡和羅仲謙於前夕率先報喜成功造人；今午雨僑同老公羅力威亦晒超聲波宣佈有喜；傍晚輪到去年11月1日跟老婆何麗萍結婚的陳山聰，在ig貼上錫老婆肚皮照及超聲波照，留言：「我老婆情人節好小會俾（畀）驚喜我，不過今年佢送咗份我最想要又好鍾意既（嘅）禮物🎁感恩上天賜俾（畀）我地（哋）一粒小蒜頭👶🏻 2020我又多一個身份『陳爸』🤩 我會努力好好保護同照顧你同媽媽😘 希望你可以健康快樂成長💪🏿 今個情人節我哋一家三口㊗️大家甜甜蜜蜜💖身體健康🤘🏿Happy Valentine’s Day 💞 #大家唔駛問我男定女，兒童節會揭曉😅 #依期潮流興公佈有咗🤣 #感恩 #Chan’s family #crazyrunner又多一個成員喇 #陳爸 #身體健康💪 #正能量」。