鍾健威情人節送禮玩另類　黃美棋收「廁紙花」勁開心

今日情人節，不少星級情侶也趁機於社交網放閃，好似去年下嫁法籍老公Emmanuel Straschnov的陳法拉，剛才於Instagram（Ig）貼出照片，相中笑得勁燦爛的她手捧一大束鮮花，並寫道：「He didn't forget.」不少人都留言讚好Sweet。

然而，近日新冠肺炎（前名：武漢肺炎）於本港爆發，連日來市民都忙搶口罩和廁紙，林作今日則於Ig上載了一張「防疫花」圖，該束「花」內有消毒潔手液和口罩，相信港女們收到都好開心，看看黃美棋就知了，事關她亦獲男友鍾健威（Ray）贈送一紮「另類花」！美棋BB說：「史上最強情人節花束——廁紙花，仲要有我成個人咁高，我想講佢竟然諗到用之前買落嘅廁紙放上盞燈到……自製呢個又實用又香嘅花，係真係好驚喜，Thank you so much!!!! 祝大家情人節快樂。」

事後Ray也於Ig開心Share「送禮片」並留言：「情人節不用銀紙堆砌，有廁紙都一樣好實際！原諒我浮誇嘅擺手同演譯，Happy Valentine's Day！#廁紙拜託不用搶 #兩個月前減價入定貨 #估唔到廁紙都有用武之地」見美棋BB笑到見牙唔見眼，呢個情人節驚喜真係經濟又實惠！