【寂寞難耐】泥鯭結婚唔成　陪心穎逛寵物店

自爆出「安心偷食」事件，形象一鋪清袋的黃心穎於去年12月中回港，不時在社交網「蒲頭」企圖為復出試水溫，可惜挽救形象方面未見起色，最近被指姣心又起再偷食人夫，今次主角是樂隊RubberBand的鼓手泥鯭（黎萬宏），他於2017年向拍拖多年的圈外女友求婚成功，還在社交網晒求婚戒指，雖然有指兩口子於去年結婚，但一直未有公佈喜訊。

有網民於日前發現黃心穎與泥鯭雙雙現身寵物店選購物品，最後黃心穎負責付款，泥鯭負責搬貨，雖然兩人未有親密動作但卻感覺十分稔熟，據知兩人確是已相識多年的好友。泥鯭對事件則回覆說：「多謝關心，我目前是單身，之前的確係諗住結婚，但最終結唔成，上年已經分開了，只係我一向都prefer低調處理私人事，所以無特別公佈，這個時世希望大家關注疫情，小心身體。」而黃心穎則表示只是與一個有養唐狗經驗的朋友陪自己買寵物用品，沒有其他回應。