【維港會】長者區賣300蚊一盒口罩 看更伯伯無助求住戶幫忙

新冠肺炎疫情有增無減，市面上一罩難求。有網民分享一段和樓下看更伯伯的對話，看更伯伯請求這位網民幫忙買口罩。伯伯不懂玩社交媒體，而其他人搶口罩時他也要上班，連排隊買口罩的機會都無，反映出很多香港市民的心聲。

網民表示自己住的大廈是舊樓，所有不少看更都是上年紀的伯伯。網民有一日出街，看更伯伯尷尷尬尬地問他可否幫自己買口罩，之前附近餐廳有派口罩，但他去到時已經派完。網民於是答應幫他找找，結果去了所有超市，「分別都冇晒米、鹽、同所有紙巾廁紙⋯⋯香港人，你哋究竟搞乜呀？！」

後來網民經過藥房，看到印尼口罩要300元一盒、3L消毒火酒要400元，但依然有人排隊，令他大感驚訝。「 喂！呢度新蒲崗嚟架！舊區仲要一區都係長者，我知而家口罩同消毒液來貨係貴，但可唔可以忍下手唔好響度發國難財？！」

網民明白看更伯伯應是走投無路，才會叫自己幫手買口罩，「人哋派口罩時佢就返工，冇上FB 冇IG，我估長輩圖唔會同佢講今日邊度快閃買口罩，面對住差唔多一日人工嘅口罩，俾我都唔捨得買」。而整幢大廈，又後生又會和他打招呼的就是這位網民，所以伯伯才硬住頭皮希望網民幫到自己上網買口罩。網民灰心地表示，自己已經不期望政府可以做甚麼幫到一班長者，但他提醒所有香港人：「當你真係好驚慌要搶嘢嘅時候，希望你哋記得我哋7百萬人坐住同一條船，留一手，買夠生活就好，唔好囤積，好冇？」

最後網民送了5個口罩給伯伯應急，同時正努力幫伯伯上網訂比較平的口罩。他呼籲大家如果有能力的話，不妨到新蒲崗親自把口罩送給伯伯。其他網民留言，紛紛表示想幫伯伯，更呼籲大家多多幫助身邊有需要的人。