【維港會】一罩難求 市民搭地鐵用File罩頭

千金難求一罩，市面口罩荒持續，難得搶到貨都要慳住用，逼出市民創意潛能自製防菌裝備。有網民就影到一名男子戴住口罩，再加文件夾罩頭，雙重防護之餘似是想延長口罩使用時間，網民都笑言「強力防禦」，但亦感慨買不到口罩的悲哀。

網民「飛影」分享一張相片，影到地鐵車廂內一名男子，頭頂一個透明File，頭後面用膠紙固定，裡面就戴住外科口罩，造型吸睛之餘不失方便，耳仔還有位帶耳機，網民嘆「File就嚟都比人買哂」。

未知該名市民是否有意用File擋飛沫後清洗，讓口罩可用更耐，有網民抽水「好過水樽，清潔容易」、「民間智慧」、「係都搶蒸餾水樽先啦，話晒都360度保護」，亦有人笑言「醫護可以諗下，好過冇」。不過有網民就慨嘆有錢都買不到口罩，「其實好悲哀」。