星島日報

【頭條獨家】拉隊食和牛慶功兼開年 森美嬲爆丁子朗搶job

2020-01-30 20:11

森美於無綫《萬千星輝頒獎典禮2019》憑《娛樂大家》及《森美旅行團》分別奪得「最佳節目主持」及「最佳非戲劇節目」獎,過去一年相當豐收,作為日本達人的森美日前帶埋團友吳若希(Jinny)、麥美恩(Mayanne)及丁子朗去食燒和牛及刺身慶功兼開年,其間森美自爆好嬲,因為被人氣勁升的朗朗搶走唔少job,搞到他要變身農夫,做「垃圾」跟Do姐搵食!採訪:方騫平 攝影:李權威 場地:丸十牧場@MOKO

慶功宴上,森美見吳若希和麥美恩傾到雞啄唔斷,笑指兩人應該係唔抵得對方成就,互踩爭寵。麥美恩大笑說:「我都做唔到最受歡迎女歌星啦,大家都唔同條路喎,點競爭呢?」對此,吳若希反應很大,哈哈大笑:「唔緊要,我都做唔到。」場面搞笑。

唔會降價頂爛市
森美形容《森美旅行團》係人生中一個標誌,在工作上得到好大滿足感,當然希望節目長做長有,但新一輯未落實。他又搞鬼說:「要度期呀,粒粒皆星,𠵱家畀佢哋搶晒我啲Job呀,原先每年都有間大公司搵我,但近年話『唔使你喇!以後Mayanne拍朗朗得㗎啦!』我嬲到七彩,激死我呀!畀朗朗取替咗我個位,有佢冇我喎。問到會否降價收順啲?森美笑言又唔使頂爛市,強調仲有好多嘢做,只不過級數冇咁高嘅宴會,會改Mayanne拍朗朗囉。

吳若希想開個唱
「Mayanne𠵱家可以帶新人,佢喺《學是學非》一個人頂晒成個節目,以前係我做captain帶住班女仔,𠵱家個節目都冇我存在啦。好似Jinny都係星夢一姐帶住班師妹,佢哋責任好重大,唔係自己發光發熱,係要帶起身邊人發光發熱。」問到Jinny會否望新一年減少是非?她卻說:「習慣咗是非,當改變唔到,就要學習共處!」Jinny再次否認同師妹菊梓喬唔妥,笑言只係唔妥周柏豪,因為他是靚仔人夫。另外,2020年是她入行10周年,希望有隻紀念歌曲及開到處女演唱會。至於Mayanne想試吓拍劇;朗朗就話要身體健康,帶多啲口罩,保護自己同埋身邊人喎。

最新回應

關鍵字

相關新聞

熱門文章