仙氣亮相巴黎時裝騷 溫碧霞獲法國導演邀拍戲

溫碧霞（Irene）放完大假回港後，隨即開工，日前又飛往巴黎，穿上品牌為她度身挑選的簡約仙氣透視薄紗晚裝欣賞時裝騷，在場搶盡鏡頭兼吸睛，不單引來現場賓客目光，就連法國導演也一眼睇中Irene，邀她到法國拍攝新片。
被《一見鍾情》法國導演邀請拍戲，Irene開心說：「係呀，呢位法國導演想開拍一部講述一位中國女仔在法國遇到的故事，佢想邀請我演呢位中國女仔，話我好啱呢個角色。（你答應咗未？）呢個交畀經理人去傾，最緊要睇下劇本，不過都好開心，每次到法國都好似好幸運，次次嚟法國都聽當地人講前幾日仲落緊雨，但我到埗就停雨，仲陽光普照，今次又係咁，所以好開心，天氣好，陽光又好，仲遇到法國導演邀請拍戲，唔理成唔成功已經好開心。」