失落「飛躍」獎不意外 湯洛雯望跳級拎奧斯卡
2020-01-13 16:50 
湯洛雯、鄧佩儀、黃庭鋒及鍾君揚在將軍澳電視城出席明珠台《第92屆奧斯卡》提名日記者會，問到是否年年追睇奧斯卡？佩儀表示去年因開工錯過了，今次想睇是支持電影《JOKER》拎獎，靚湯則指頒獎禮節目會激勵她，見到得獎者分享經驗，笑言：「有一日我都要得奧斯卡！（先將目標放在公司的？）眼光放遠些，可以跳級。」
提到前一晚的頒獎禮，佩儀表示最感人是「飛躍進步男藝員」得主張振朗的一番話，提醒自己要加倍努力，靚湯更說：「我叫他若上台不要喊，振朗說一定不會，結果喊成咁！」二人同樣入圍「飛躍進步女藝員」，靚湯對自己未得獎不意外，更自封「老飛」，提到周嘉洛入行5年便得獎，靚湯說：「他很犀利！（要加把勁？）我要拎奧斯卡，好多荷李活導演搵我，我要拍《JOKER 2》！」問靚湯是否打擊太大，會否更努力拎獎？她笑言：「有獎會是強心針，會戥得獎人開心，這行本來就要百花齊放。」
關鍵字
最新回應