開Po公審空姐態度欠佳　莊思明疑侵犯他人私隱被轟

莊思明昨日於社交網撰寫千字文，怒轟日前乘坐飛往曼谷的航班上，欲撳燈向空中服務員借筆填入境表，未料多次按燈卻無人「應機」，她聲稱：「原來有個空姐喺我後面熄咗我盞燈然後就擰轉面行開咗……我開始明白事情可能並唔係我想像中咁簡單！」於是，思明即時向一名高級男空中服務員投訴，希望同類不愉快事件別再發生於其他人身上。

事後，她表示取得有關航班的機艙服務員內部名單，更上載到Ig story再次公審該名空姐，又寫道：「我話態度好好嘅男空中服務員應該就係Sebastian Tan，因為佢嘅中文係有星馬口音嘅，今次可以好好表揚佢啦。至於嗰個服務態度有問題嘅空中服務員就……國泰你哋自己處理啦。」由於一班機艙服務員的個人資料被公開，當中包括姓名及員工編號，不少網民都大派嬲嬲兼鬧爆：「有冇搞錯，洩露員工資料」、「你除咗唔識尊重人，仲要侵犯人哋私隱」、「似乎小家咗啲」等，亦有人質疑機艙服務員名單屬公司內部資料，究竟思明是從何得來？

對於被轟披露他人資料，思明強調已問過律師，自己並無犯法，她說：「因為我沒有公開個人資料例如身份證、電話、住址等等！」至於Crew list如何得來？她僅答：「我不會影響我朋友，有咩事我一個人負責，要怪就怪我一個人！」至今日，她又於Ig story貼出另一名網民的Inbox對話截圖，並Tag埋該航空公司作出投訴：「你有職員話見到我會Offload我！希望貴公司嚴肅處理！」又公開該網民Ig帳號，她續道：「呢種人只夠膽用假Account！」其後，未知是否見大家洗版式喪插，思明再以英文出Po：「This is like that. You can't make people to like you. You just have to wait for hating to bore them.」