柬埔寨慈善探訪　森美獲小粉絲送畫冧爆

近日仁美清叙舉辦「童心助學柬埔寨」，森美以慈善大使身份，與主席程瑤一起前往柬埔寨作慈善探訪，程瑤說：「剛好嗰幾日我哋同森美喺柬捕寨做商演，所以特別情商森美做慈善大使，佢一口答應！今次真係要多謝森美同客戶鼎力支持，工作之餘都可以幫助有需要嘅人，希望佢哋長大後都可以幫助有需要嘅人，將呢份愛心承傳下去。」

其間，一行人到當地學校探訪，除準備了小禮物送給學生預祝聖誕節外，程瑤與森美更即席示範玩「扯鈴」，後者還發揮幽默本色，大受當地學生歡迎。程瑤大爆森美於當地已有女粉絲，她說︰「森美真人好感性，我哋去探訪學生上堂嘅時候，我老公介紹森美畀學生認識，點知過咗陣，有個女仔送咗幅自畫圖畫畀森美，我見佢一收到後即刻泛起好開心嘅笑容，仲搭住個女仔同佢親切合照。」森美則表示︰「我收到禮物當然開心，估唔到喺柬埔寨都有粉絲，我哋同學生玩咗簡單遊戲同送小禮物，希望佢哋過得開心，能夠讀更多書，改變佢哋嘅生活。佢哋嘅生活同一啲發展中嘅國家一樣，因為家境貧困，無法接受正常教育。」