【黑到黐底】網上發功被鬧爆唔要臉 黃心穎助養愛犬離世
2019-12-22 19:01 
肖蛇喺狗年犯太歲的黃心穎黑起上嚟有條路，偷嗒人夫許志安成為今年十大娛樂新聞之首外，「安心事件」爆煲後敗走美國，潛水８個月後，日前終於返港，雖然她聲稱返港是為了陪家人，但盛傳她一心想復出幕前，搵錢供樓，可惜網友似乎不太受落，紛紛鬧爆小三唔要面！雖然《牛下女高音》反應好，但功勞只屬一班中佬演員，因為她形象繼續停留谷底，連重見天日的劇集《丫鬟大聯盟》，黃心穎都冇份做宣傳。
黃心穎為了繼續「試水溫」復出，心穎近日再度活躍於社網站，繼早前趷籮晒腿佈置聖誕樹後，昨晚再在限時動態再「發功」悼念助養的狗狗，她以英文寫道：「我已經到達彩虹橋，感謝您一直助養我，我會記住你對我的愛。」莫非想轉軚打動一班愛護動物人士？
關鍵字
最新回應