十周年個唱大派歡樂正能量 王梓軒意猶未盡預告加場
2019-12-22 16:30 
一連兩場王梓軒演唱會昨晚於會議展覽中心圓滿結束，由於反應好，投資方已答應開part 2，令梓軒相當鼓舞，還不忘多謝恩師趙增熹及合作多年的經理人珊珊(石祐珊)。尾場有《多功能老婆》黃浩然、陳寶華、于淼來支持，梓軒在場即硬銷問現場觀眾：「有冇睇《多功能老婆》？」還搞鬼話：「我明白點解寶華姐要坐喺中間，因為顏成功(于淼)同浩然坐埋一齊，可能俾人打。」
梓軒演繹《再生》前在台上有感而發表示：「個騷籌備咗半年多，每個人都有input，嗰主題就係想令大家開心，同大家一齊去尋找快樂嘅根源，過程之中，希望每一位重新去學習世界…」
慶功宴上梓軒鬆一口氣笑住說：「終於可以食餐勁嘅！大家啱啱先玩熟咗個rundown，我覺得有啲意猶未盡，面對香港困境，喺呢個時候開到兩場演唱會係非常難得，我睇到好多人離場之前，係有一種喜悅、正能量同希望，我覺得我嘅任務暫時完成，仲要多謝我團隊同經理人，今次未玩完，頭先都屈咗啲投資者，佢哋應承咗再做，我哋下一站見。」
關鍵字
最新回應