【頭條獨家】有男有女去睇戲 麥子樂強調女友人係朋友
2019-12-18 22:00下個月40歲的麥子樂呢期忙為ViuTV新劇《地產仔》開工,日前放假就約埋老友周祉君同一男一女友人去銅鑼灣睇戲,睇戲前行陣街,麥子樂發現記者,為怕記者誤會佢同女友人係一對,主動同記者講:「朋友嚟㗎咋。」哦。採訪:梁志明
同過佘詩曼傳緋聞,39歲嘅麥子樂出身自無綫04年訓練班,同期同學有胡定欣及黎諾懿,一個係視后,一個有自己節目,當年有「翻版林峯」之稱嘅麥子樂早已逃離TVB向外發展,去過港視拍劇,又簽咗古天樂旗下經理人公司,近年影視齊發展,同鄭秀文拍《花椒之味》,又不斷為ViuTV拍劇,算搵到食。
咁驚咩?
因為麥子樂喺《地產仔》中要飾演爛撻撻的裝修師傅,導演要求唔會着太多衫,要騷肌同好麻甩,所以本來已係大隻仔嘅佢再刻意做運動操肌及節食減肥。日前傍晚6點,好大隻嘅麥子樂同周祉君及一男一女友人現身銅鑼灣,一行四人去咗柏寧酒店附近睇眼鏡,然後再去翡翠明珠廣場買飛睇《神探白朗:福比利大宅謀殺案》,發現記者嘅麥子樂好擔心,擔心咩?擔心身旁女友人會被誤會同佢有Road,所以主動同記者講:「朋友嚟㗎咋。」咁咪叫無私顯見私囉。
關鍵字
最新回應