【死侍打爆機】茄喱啡變救世英雄 《爆機自由仁》打出個未來

電影如《真人Show》(The Truman Show) 混合《潛行凶間》(Inception)的電腦遊戲Upgrade版新作，由《怪奇物語》監製、《翻生侏羅館》系列導演桑里維(Shawn Levy) 執導，再展天馬行空瘋狂爆笑拿手好戲，更請來《死侍》系列 賴恩雷諾士 (Ryan Reynold) 擔任男主角，延續抵死兼打不死的另類超級英雄精神，由「任何仁」化身成為爆機「自由仁」，一手改變世界，當上自己人生故事的主角，在笑位不絕和連場動作大場面中峰迴路轉，絕對係賴恩雷諾士繼《死侍》後最令人期待的新作！

賴恩雷諾士飾演的阿仁係一位平凡的銀行職員，唔起眼，唔重要，日日過住刻板重複的生活，但佢同我哋唔同，因為佢其實係一個電腦遊戲裡面的「非玩家」背景角色，而呢位二打六發現遊戲生產商打算將呢款遊戲摺埋時，佢竟然成為唯一可以拯救呢個世界嘅英勇「超仁」！

故事以超級有趣好玩嘅電腦遊戲世界為背景，場面設計及電腦特技都可以任意發揮點玩都得，集科幻、動作和喜劇於一身，肯定帶來前所未見的精彩新鮮感！