做柴可夫接送老婆外母 羅仲謙認「造人」辛苦

羅仲謙、張曦雯（Kelly）、張秀文及韋家雄等晚上錄影《娛樂大家》，家雄哥的紅皮褸造型，被謙仔取笑似足《賭神》中劉德華飾演的「陳刀仔」，笑爆全場！
謙仔自認不懂講大話，綵排狼人遊戲時要不興奮過度，要不過份心虛，根本騙不了對手，他笑說：「他們講大話好叻，今次見識到世途險惡，哈哈！（老婆楊怡知否你不懂說謊？）這個優點全世界都知道！」

談到日前被拍得接送太太與外母到街市買餸，謙仔不敢認乖仔：「冇得揀㗎！這是我應負的責任，始終我在大埔住了幾十年，熟路嘛，有空的話都盡量做司機。（有否因堵路被困大埔？）沒有被困，OK啦，就當多些時間跟老婆相處，我也有狂打機，（趁機努力「造人」？）大家都辛苦喇！我講做人辛苦呀，要為生活頻撲。至於造人就隨緣啦，你估後生仔咩，拖拖手仔便有BB，我年紀大，唔得㗎喇！」
Kelly亦謂最近努力做人，更是努力做盲人，皆因要到盲人中心上課備戰新劇《踩過界II》，學習用枴杖及摸凸字。