【頭條獨家】行超市撞到朋友好興奮湯盈盈吹水勁多表情

2019-11-18 22:05

44歲嘅湯盈盈做咗媽媽之後無晒之前啲邪氣，仲可愛咗。日前傍晚，着咗條爛牛嘅盈盈去銅鑼灣行超市，因為見到佢已經係畀完錢，只知買咗一袋嘢，重點係佢見到朋友，佢好開心係咁吹水，然後佢好多表情，又皺眉又瞪眼又單眼咁，好搞笑。採訪:梁志明

做咗人父母嘅一講起自己仔女就會停唔到，例子有湯盈盈兩個女都係讀同一間國際學校，3 歲幼女Kassidy入讀幼兒班，6歲大女Alyssa就升讀一年級。盈盈就話：「兩個女讀happy school，沒有太多功課，不過她們平時滿口英文，就靠嘉樂陪她們睇中文書，教講廣東話，至於普通話反而是兩個女教我和嘉樂，所以嘉樂的普通話進步了。」

兩隻手都好忙
當晚六點，着住爛牛加波鞋，好青春嘅盈盈自己去超市買嘢，見佢買咗一大袋，加埋之前都買咗好多，戰利品放滿兩個籃，離開時撞到朋友，盈盈非常興奮，同朋友係咁傾係咁傾，講足十分鐘，期間盈盈好多表情，皺眉單眼乜都有，傾完偈好滿足，盈盈一隻手推住架車，一隻手撳住電話搭電梯去停車場。