【頭條獨家】兩女之母Keep得好 曹央雲買Parma Ham返歸歎

45歲的前亞姐曹央雲，自09年與富商何永安離婚後，母兼父職養大16歲長女Audrey和10歲細女Promise。單親媽媽投資有道，已坐擁7億身家，多年冇做嘢仲可住豪宅、買名牌兼帶女兒周遊列國，過住富泰的生活。早前曹央雲去銅鑼灣超市行街，oversize白恤衫當迷你裙着，對腳好養眼，之後她火速買了包140蚊的巴馬火腿便離開。採訪：梁志明

曹央雲自小家境麻麻，自變得富有後，她將最好的都留給女兒。除了努力培養她們的興趣，如果學校有長假期，她更會帶她們外遊，讓她們放眼世界、增廣見聞。早前她才與女兒到意大利的佛羅倫斯和英國的倫敦遊覽，玩得好開心。平日曹央雲Shopping亦愛帶埋女兒，一齊買衫或行超巿，她好Enjoy親子樂。難得兩個女都品學兼優又孝順，令她非常安慰。

45歲潮媽
日前曹央雲去銅鑼灣citysuper買嘢，雖已年屆45，又是兩女之母，但打扮新潮，oversize白恤衫當裙着，再襯涼鞋和Colourful的LV袋，對腳好Slim。她主攻巴馬火腿，睇咗一陣就揀中一包140蚊，不過佢嫌細，仲問個店員有冇Pack大啲嘅，當店員話得一個Size時，曹央雲都好客氣咁笑一笑講唔該，然後就行去排隊畀錢，跟住再搭𨋢離開。