羨慕老公多戲拍 劉嘉玲想學滑翔傘兼考牌

《第四屆澳門國際影展暨頒獎禮》將於12月5日至12月10日舉行，擔任影展明星大使之一的劉嘉玲及澳門影視製作文化協會會長暨影展籌委會執行副主席周焯華等現身澳門記者會。以清新短髮亮相的劉嘉玲，對於擔任應屆影展明星大使，她坦言感到榮幸又興奮，因從影36年的她，可跟各國不同電影工作者討論電影方向是賞心樂事，又認為未來是年青人世界，每個行業都需要年青人，電影藝術更需要創作和激情去表達。

最近劉嘉玲經常出席不同影展活動，她笑言：「好正常，每個影展都有特色同唔同嘅地理環境，會將唔同感覺帶畀大家，澳門亦好啱舉辦國際影展。」為老公梁朝偉暫時擔任經理人的她，表示現時忙於為偉仔處理電影工作，又承認老公真係拍好多戲，劇本永遠睇唔完，令她很羨慕。偉仔現正準備演出漫威電影飾演反派，明年一月便開工，她說：「佢𠵱家冇遊山玩水喇，已經喺度健身，我唔使陪佢，我哋鍾意玩嘅運動有少少唔同，我就上天，佢就下海，所以好完美㗎！」而且她透露偉仔在該片有好多動作戲，所以需要很fit的狀態，亦會吃得很清淡，但毋需陪伴，不過她現在也不會吃太多，因為健康緊要。

談到老公開工拍戲是否需要同行？她說：「我幫佢安排好所有嘅事就會走，等佢自己可以專心。」提到早前在社交網上載玩跳傘的照片，她笑言上次即使有教練同行，感覺也很刺激，她續稱：「其實我想學滑翔傘，因為比較容易，香港又有好多地方可以玩，我有計劃考埋牌。」她直言做運動用來減壓，而且精神和面貌也會好一點，下個目標是明年去玩笨豬跳，原本有次想玩時大排長龍，更笑指擔心未玩經已被拍照上載到社交網。問到玩笨豬跳會選擇跳橋定跳懸崖時，她笑說：「咩都好啦！唔係跳樓就得啦！」