薛嘉麟尊重太太決定 諸葛紫岐未封肚想追女

諸葛紫岐（Marie）與丈夫薛嘉麟、郭少明和太太羅桂珍、方力申，以及「形象大使」張曦雯齊出席「莎莎婦女銀袋日」賽事。Marie表示為了照顧半歲的兒子Andersen，近期較少出席公開活動。問到5歲半的長子Arthur可有欺負弟弟？Marie笑言：「唔會，佢好錫弟弟，佢仲可以幫弟弟換尿片同餵奶。」問她是否暫不封肚？在旁的薛嘉麟說：「順其自然，太太嘅諗法就係我嘅諗法。」Marie續說：「呢個問題好難答，因為我想有一個女，但再生嘅話冇人知嗰個係咪女，如果唔係點算，做媽媽真係好辛苦呢！（會試食療生女嗎？ ）我朋友已經有四個仔，嘗試用食療追個女，但生出嚟都係仔，我個朋友叫我唔好諗咁多，放鬆啲！」

雖然已經有團體馬，問到薛嘉麟可有打算自己再養一隻馬？他打趣地說：「先養好個仔，因為教小朋友需要花好多心機、時間同精神，𠵱家發覺唔係我教小朋友，而係佢哋教我點互動。」Marie則指出，大仔現在發問的問題很複雜和轉數很快，她要細想後才能回答。

張曦雯則表示一直很想參與這個活動，今天終於夢想成真，她解釋：「皆因出席呢個活動嘅女士們都要戴帽，我覺得好靚，自己都未試過呢啲造型。」而她頭上所戴的帽，是一位髮型師好友特別為他以真花打造的。

同場的方力申（小方）即將在本周二舉行「點滴是生命」環島游45公里慈善籌款挑戰賽，他開心表示現時善款已達510萬港元，他很感謝好友及藝人朋友捐錢，沒想到自己一個人游水能牽引咁多人共鳴和支持。他更稱得知有很多人在他環島游當日請假，在港島海岸不同位置為他打氣，也會迎接他完成任務歸來，他說：「呢次最感動嘅係，大家唔係嚟睇演唱會，只係睇我上水完成任務，又冇咩派對，呢啲係真嘅支持。」

小方剪了頭髮迎接這次挑戰，他解釋雖然落水時會帶泳帽，但萬一泳帽脫掉也不會太阻水。他透露更為泳帽加入很多對自己有意義的東西，包括他演出過的電影、母校及歌名。問他有沒有加入過往女友的名字？他笑言：「寫唔完，哈哈！」