【頭條名人】遊曼谷為好友慶生 唐貝欣學煮泰菜攞證書

寇鴻萍細女唐貝欣（Fiona），早前到泰國曼谷玩了4日3夜，為友人慶生之餘，也可以放假休息。她稱主要行程除了歎美食、shopping，仲幾乎晚晚做Spa。而最特別是花了半日時間去藍象餐廳學煮了5道泰菜，如炸蝦春卷、香辣雞球和咖喱牛腩等，學完仲有證書，她表示回港後一定要煮給媽媽和胞姐唐貝詩（Lydia）試吓。 撰文：李佩儀

近日忙打理護膚品生意的Fiona，早前抽空外遊叉電，與好友一行10人到曼谷遊玩，她表示：「有個朋友生日，約埋成班好友同佢慶祝，順便放假畀自己relax吓。」4日3夜行程中，主要是做Spa、歎美食和shopping，她續說：「幾乎晚晚都做Spa，因為每日行完街都好攰，做完好舒服。」購物方面，其實只是買了些豬肉鬆、茶葉和筆，她笑言：「媽咪食粥鍾意落豬肉鬆㗎，咪買嚟𠱁佢，跟住我見到啲好靚嘅花花筆同獨角獸筆，又買咗堆畀朋友做手信。」

最特別是花了半日時間去Blue Elephant Cooking School學煮泰菜，她指因為有朋友想學，而地點又在酒店隔離便去試試。當日她學了幾款菜式如炸蝦春卷、香辣雞球和咖喱牛腩等，她表示跟住師傅整實煮得好，學完仲有證書攞！由於是好友生日，她們還預訂了兩星米芝蓮德國餐廳Suhring慶祝，菜式又特別又好味，但切埋蛋糕食足4個半鐘，她笑言食咁耐真係好難忘！整個旅程中，最慘是當地空氣差，搞到皮膚敏感，回港後要勤敷mask急救。