同鄧健泓拍拖5年早知唔夾 李施嬅：佢唔係我嗰Type

李施嬅（前名李詩韻）最近憑《金宵大廈》爆紅，但同時是她今年4月離巢無綫前拍下的兩齣劇之一。
03年由加拿大返港參選港姐贏得「最上鏡小姐」和「才藝小姐」入行，至今已16年，施嬅受訪電台節目《1圈圈》，談及感情事，她否認「專挑富二代」當男友，更謂：「只想搵個對的人，事關今日搵個頂得我順嘅人已經好難，因為我成日飛，事業心重又拼搏。」曾想過30歲前結婚，現在過了她說沒再想，父母也沒給壓力，並推莊給「胡說八道會」同是單身的胡定欣和姚子羚。她指定欣好強好叻又挑剔，更加難找另一半，故最想定欣先找到；她又覺子羚值得有個愛的人。她則希望另一半比她年長的圈外人。
施嬅於05演出劇集《老婆大人》初露鋒芒，同時公開跟同劇的鄧健泓拍拖，被指戀愛大過天。她承認以前為找安全感好鍾意戀愛，也不太理智。不過星途問題她認為是性格造成，自言不懂社交也不打交道，不識表達自己，努力了不會告訴人，反而之後她在外闖出成績，公司才留意到。

對於跟鄧健泓拍劇拍出愛火花，施嬅爆料稱：「拍劇冇愛火花，只係認識，其實佢唔係我嗰Type！佢好有藝術天份，好細心，當時爸爸生意失敗，有個人關心會特別打動我。其實我哋唔係好夾，好耐之前就應該分開，唔應該係一對。當然兩個人一齊有開心，又有好多唔開心，受咗好多唔開心同負能量，因為我對感情好重執著，好難Give Up，中間有好多朋友話我哋唔應有結果，終於拖拉咗4年。」拍拖5年，施嬅指第一年已知不適合，但因為一齊住關係，直至她返加拿大讀書，終於給空間獨處獨立，才行出這一步。
至於改名後施嬅的星途果然有改變，她說這名是她一生最愛的嫲嫲改，但父母喜歡用李詩韻這個名字，之後她為紀念嫲嫲，也知這名給她帶來好事，故入行10年才來改名，當時有高層反對，她依然堅持，自言這性格不夠圓滑易得罪人。