謝安琪個唱反傳統評價兩極 粉絲求cut走Juno作品

謝安琪（Kay）於9日起舉行一連4場紅館演唱，以反傳統的演出方式，得到兩極的評價。Kay今次演唱會除了演唱外，更與麥浚龍（Juno）齊齊任演唱會導演，構思了一場概念性的演唱會，不過有忠實歌迷反映，整場演唱會有三分之一是Juno的作品，加上她整個演唱會不發一語，令習慣了紅館模式的支持者有點「水土不服」。

當中有留言「我接受到同支持冇對白冇交冇嘉賓冇大合唱嘅演出，但衷心希望你會改一改rundown cut走Juno啲歌，我熟晒你啲歌所以聽到一大part juno好失望」、「如果可以聽到更多真真正正屬於謝安琪嘅歌就好喇，始終我地入場係想聽謝安琪嘅歌呀」、「我自問都係資深fans我好appreciate有story有message，但成一半都係juno歌，其實如果想開juno作品展一早講聲，好失望」。

Kay指整個歌單是由她親自編排，因為Juno的作品很配合今次主題，特意揀選了《畸》、《彳亍》、《雌雄同體》等作品。演唱會談及的是比較深層次的內容，Kay在演出前都要在後台閉關、沉澱自己，好等在台上能演繹出需要表達的情緒，亦為免任何與主題無關的說話令觀眾回到現實，難以投入演出，因此她選擇在台上不說一句話。