林家棟唔畀Chok甫側頭 謝賢孖馮寶寶合作如時光倒流

林家棟監製，謝賢（四哥）、馮寶寶（Bobo）、林雪、賈曉晨（JJ）、顏子菲、李燦琛、顧定軒演出的黑色喜劇《殺出個黃昏》，日前於油麻地一懷舊歌廳拍攝期間，吸引不少途人圍觀。
影片主題圍繞四哥周旋於馮寶寶、林雪兩個摯友之間，3人尋找存在價值。四哥近年演出多以客串為主，今次以男主角身份再次披甲上陣，他大讚選角非常出色，就：「拍戲就多，同咁多𡃁仔拍都係第一次。家棟又話要我變，又唔畀我側起個頭，咪睇佢有咩把炮囉！今次同阿雪演對手戲，叫佢放我一馬啦！」談到跟老友馮寶寶再聚，四哥笑指猶如時光倒流：「Bobo喺我眼中永遠係一個小妹妹。雖然係舊拍檔，但我期望有新火花，等我帶佢攞返啲青春。」四哥更表示：「其實我仲有一個任務，就係帶啲新人。」

久未露面的BoBo姐，首日開工拍攝已經遇上片中「耆英天使」出動的場面，3人見面即來個熱情擁抱，更不時互相鼓勵，BoBo姐表示：「我聽到係同四哥合作，咪喺馬拉即刻飛返嚟囉，佢真係似我大哥哥㗎，同四哥真係相逢恨晚。」

一向貪玩的林雪於片場表現輕鬆：「我都係嚟跟四哥同Bobo姐學嘢，不過今次好難得我有條感情線，希望畀觀眾睇吓咩叫大叔的浪漫。」

　　除了融洽相處的場口，同樣也要拍3人壓力爆煲的場口，監製坦言甚具壓力。家棟表示：「今次每個角色背後都有自己嘅包伏，佢哋面對嘅挑戰好大，所以都要慢慢調整。幸好今次四哥、Bobo姐同阿雪，好有突破，好主動提出想法，我覺得係新人學嘢嘅好機會。」