拖囡囡行沙灘晒朱古力肌 張繼聰：將來用呢張相畀其他男仔睇

謝安琪正身在外地出席米蘭時裝周活動，老公張繼聰昨日就帶一對子女到沙灘玩，順便晒減肥40磅後練出的朱古力肌。其中一張阿聰將囡囡和自己的樣整矇，凸出他的朱古力肌，留言：「尋（噚）日第一次同妹妹去沙灘，我決定隆重其事。因為我係佢人生，第一個男性拖住佢手仔漫步沙灘嘅人🤟🏼 一定要盡做🤷🏻‍♂️💪🏼。將來如果佢同其他男仔介紹佢老豆（竇），我希望佢剩係用依張相...。冇咩嘅話，我番去做gym先🤷🏻‍♂️#daddytime #workout」。
胡定欣似是過來人戥張靖擔心，留言：「其實已經難搵，你老豆（竇）再將Standard推到頂點，姐姐唯有說一句『GOOD LUCK!』💪🏽😌😂🤣」。