讚老公由「仆X」變好人 阿田：呢個形容最貼切

田蕊妮昨晚舉行首個個人演唱會，會上她以「仆X」來形容老公杜汶澤說：「結婚前我好多嘢驚，結婚後以為所有安定落嚟，點知佢一而再、再而三拖我跳出comfort zone。結婚14年，我由唔敢做決定、乜都驚嘅人變做勇敢嘅人，老公亦由一個『仆X』變成一個人，甚至佢喺我心中，係一個好好嘅人。」
阿田謂婚後很多朋友羨慕她嫁得好，住豪宅戴鑽戒。但近年，同一班朋友卻對著她說三道四，指責阿澤沒理她感受，甚至透過阿田勸說阿澤少說話。阿田說：「近幾年佢照顧得我好好，生活同心靈上都照顧我感受。幸福唔係老公表面上畀咩我，係經過多年經驗同相處，點樣可以將彼此變成更好嘅人。」隨後，播出一段以阿澤為主角短片，片短結束前，阿澤說：「如果問我人生最嘅成就係咩？就係娶咗個好老婆囉。」
騷後阿田受訪稱以「仆X」形容阿澤，笑說：「呢個形容係最貼切。」