傳偷食男友好友 江嘉敏ig開名鬧爆造謠者

24歲無綫小花江嘉敏與電競公司高層Anthony拍拖以來感情穩定，但是近日來就有傳她偷吃男朋友的好友X先生，今日更有Whatsapp截圖及錄音對話流出。據悉，江嘉敏被指要求對方以50萬打本自己做生意，再指二人會以工幹為由，一齊飛到日本「偷食」。

忍無可忍的江嘉敏今日下午在社交網站反擊，澄清與男朋友感情並沒有受到該傳聞影響，更開全名斥責爆料者，她說：「你點搞我同男朋友呢，都唔會有任何影響嘅，不過呢，你係都要冇嘢搵嘢玩，搞吓我屋企，又搞吓我工作呢，我就真係會嬲喇！我同男朋友都預咗呢一日，你會cap頭cap尾，又話我溝你又話我呃你錢！夠膽就唔好cap頭尾，畀全部嘢人哋睇嘛！仲要夠膽做，唔夠膽面對！嗱嗱聲block晒我同我男朋友！其實都知你咩事㗎喇！X咩先生吖扮神秘？王XX先生！成日都話想出名，好啦，如你所願喇！」