传偷食男友好友 江嘉敏ig开名闹爆造谣者

24岁无綫小花江嘉敏与电竞公司高层Anthony拍拖以来感情稳定，但是近日来就有传她偷吃男朋友的好友X先生，今日更有Whatsapp截图及录音对话流出。据悉，江嘉敏被指要求对方以50万打本自己做生意，再指二人会以工干为由，一齐飞到日本「偷食」。

忍无可忍的江嘉敏今日下午在社交网站反击，澄清与男朋友感情并没有受到该传闻影响，更开全名斥责爆料者，她说：「你点搞我同男朋友呢，都唔会有任何影响嘅，不过呢，你系都要冇嘢搵嘢玩，搞吓我屋企，又搞吓我工作呢，我就真系会嬲喇！我同男朋友都预咗呢一日，你会cap头cap尾，又话我沟你又话我呃你钱！够胆就唔好cap头尾，畀全部嘢人哋睇嘛！仲要够胆做，唔够胆面对！嗱嗱声block晒我同我男朋友！其实都知你咩事㗎喇！X咩先生吖扮神秘？王XX先生！成日都话想出名，好啦，如你所愿喇！」