fb澄清「我從來唔係港獨」 黃秋生：我攰啦要同大家講再見

黃秋生向來敢言，亦勇於表達自己想法，不時在專頁發文，對近日的社會事件發表意見。他今日突然在其個人社交專頁facebook發文，說「覺得好攰啦，跟大家說再見」。

他更在文中強調自己絕非港獨份子，更指他不會憎恨那些痛恨他的人，因為那些人對他沒有任何影響。他希望中港兩地的人，可以再次和諧相處，歡聚圍爐。黃秋生更澄清：「我從來都唔係港獨，亦唔喜歡暴力，同大多數人一樣。我只係一個有獨立思想，喜愛知識，而且憎惡邪惡嘅普通香港人。 」他在文中最尾更用了簡體字留言。

以下是黃秋生FB全文內容：

「各位，我癐啦。再見。喜歡我嘅朋友唔駛担心，我唔係去死，我會堅持信念，大家都係，大丈夫有所為有所不為。我只係癐啫。痛恨我嘅朋友，係，係朋友，我唔憎你哋，因為我都唔識你哋，你哋對我亦無任何影響，我只係因為私人原因，疲倦而已，你哋亦唔駛高興，因為你哋並無成功咗啲乜。喺呢度，大家平等，互不相識，缘生則聚，緣滅則散，你我只係宇宙間嘅粉塵。只願，中港两地嘅人，可以好似以前一樣，再次和諧相處，歡聚圍爐。最後，我從來都唔係港獨，亦唔喜歡暴力，同大多數人一樣。我只係一個有獨立思想，喜愛知識，而且憎惡邪惡嘅普通香港人。 其實，内地都有好多聰明俊秀嘅人材。还有，蝗虫不是我说的，我寫的那句是文言，不懂别亂说，蝗虫是一个導演罵的，而且他现在还在大陸，看似挺受你們欢迎的在捞你們的金呢。 香港人，加油。」