【維港會】兒子不懂「對」和「隻」 港媽港鐵動怒打罵

家長緊張孩子的教育人之常情，但亦應盡量平心靜氣。近日有網民在港鐵車廂中，目擊一名港媽因兒仔不懂「對」和「隻」而發怒，更在車站內動手打兒子，引起網民熱議。

網民在facebook專頁「生仔要考牌」投稿，指港媽在港鐵車廂中大聲指罵兒子：「對！我問你咩！點解係對！隻呀！隻呀！對咩呀！五個人有幾多！十！十咩呀！我問你隻！你點解答對！」更揚言「十！十吖嘛！我返去就打你十下！」

網民表示，期間小朋友間歇回答「五、十、隻、對」之類，顯得很驚恐，而港媽則繼續反覆質問「對定隻」以及「「十吖嘛，我返去就十下咁打！」。網民亦忍不住說「太太，唔好咁惡鬧個小朋友啦，佢真係好驚。」

當港媽離開車廂後，又在站內長櫈繼續重複「對」、「隻」的指罵，網民於是致電育有子女的朋友求救，豈料此時港媽大力打向兒子，並繼續破口大罵。當港媽出閘後，又回頭向客戶服務部投訴網民，「佢跟住我！佢跟我返屋企、佢跟我返屋企、佢跟我返屋企呀！我要報警，報警呀！」

網民亦向職員稱要報警，因港媽剛剛打小朋友，職員嘗試調停。網民最後又稱擔心小朋友受情緒困擾，呼籲「呢位媽媽，如果你自己有病，麻煩你去睇醫生，但係你小朋友無辜，唔好迫死佢，我希望個小朋友無事。」

網民也認同該名港媽反應不尋常，也勸喻家長盡量放鬆，過度壓迫只會令小朋友驚恐，無法思考，不愉快的成長經歷會影響家庭關係。