【維港會】網民譴責打風 伍家謙：叫個風留番喺自己屋企打

八號東北烈風或暴風信號，在下午1時40分發出，並預計會在今日餘下大部分時間維持。不少網民卻在網上發文譴責打風，連前無線體育記者伍家謙亦在帖文中留言，並笑言「打風唔係問題呀，不過唔好擾民囉。」

伍家謙今早在天文台未發出八號東北烈風或暴風信號前在發文，並留言指，「嗱，其實我個人不嬲都好支持啲熱帶低氣壓嘅，但係佢突然吹過嚟香港，阻到人返工咁唔好囉。打風唔係問題呀，不過唔好擾民囉，叫個風留番喺自己屋企打吖嘛。」他又在帖文中加上「#強烈譴責暴風」、「#總之阻到人就唔啱」等hashtag。

另外，不少網民亦在facebook各專頁及群組發文，並譴責打風。有網民則指責天文台，並指「你憑乜嘢代表我準備掛8號風球？」另外，亦有網民指，「我唔識天氣，天氣與我無關」，並指「你要打風，咪係海中心打囉。天文台 呢度無人支持你掛8號呀，你影響緊全香港市民呀」等。