張致恒爆桃色醜聞 關智斌感驚訝：佢要負返應有責任

組合BOYZ的關智斌（Kenny）和張致恒（Steven）再次合體，原本於九月在紅館開騷。不過Steven日前宣布結婚兼榮升做爸爸後，但被踢爆一腳踏五船，形象直線插水，就連BOYZ演唱會大受影響而擱置，搞到拍檔Kenny無辜受連累。

關智斌和張致恒早前為演唱會出發到泰國布吉拍攝宣傳片，當Steven被爆出桃色醜聞後，有指他突然離開當地，就連Kenny無法聯絡對方。Kenny昨晚於泰國布吉返港，在11時40分現身香港國際機場的他，表示steven有聯絡他，亦解釋為何中途離開。談到演唱會擱置，他表示只可以說無辜，上天給予第二個安排，公司就暫時未有安排。

提到有網民建議他與張敬軒開個唱，他說：「哈哈！我昨晚都唔識笑，平時都會覺得幾好笑。（失望？）無奈多啲！」對於張致恒被指一腳踏五船，他坦言聽到有點驚訝，但平時兩人玩時大多講無聊事。問到張致恒的情緒如何？他說：「佢嘅事留返佢自己講，有同佢要自己面對，負返應有責任。」

談到張致恒可有曾向他借錢，他說：「我同佢不嬲無乜計，有時佢借畀我，有時我借畀佢。（會否叫佢還錢？）咁多年，無計呢啲。」問到可覺張致恒跟歌曲「死性不改」很相似時，他𢱑頭說：「我唔識答。」當記者指他很憔悴，他表示因舟車勞頓，稍後會在香港拍電影。