新戲飾演拳手 張繼聰操完肌仲要練跳繩

張繼聰最近一直努力健身，又不時在IG分享進度，目的就是為了拍攝電影《金童》做準備，電影中飾演西洋拳手的阿聰日前更透露因此而學會了跳繩。

阿聰在IG上載了一段跳繩的片段，見他由起初跳得相當笨拙，到之後變得非常輕盈靈活，還可以玩花式跳「交叉繩」。由此可見他下了不少苦功，而阿聰亦留言表示：「要飾演一名西洋拳拳手，學跳繩係必需嘅...第一堂跳繩，我跳得幾有少女嘅味道，當時我心諗，今次死梗...太難...中間依年幾，經歷膝頭哥受傷，無數次比條繩打到成腳血痕...無數次想放棄。同埋，無數次嘅練習...雖然仲未跳得好好，不過盡咗力。感謝我嘅拳擊師父，T先生。一切嘅努力，就係為咗一部電影，一個角色」。