一唱歌囡囡就唔喊 陳柏宇：佢應該幾鍾意聽我唱歌

日前陳柏宇(Jason)及師弟莊正(Lester)接受電視訪問，二人大談推出新歌感受，而Jason亦分享已為人父感受，他說：「如果一定要揀囡囡快啲大定唔想佢大，我想佢快啲大，因為我好期待佢嚟緊會學啲乜、做啲乜、興趣係乜，想快啲見證到，依家佢學爬學行，我已經睇過曬啦！我不知幾想佢快啲食大人嘢，咁我就唔使次次都要拎個大書包載曬佢啲嘢出街。」


Jason表示照顧女兒後令自己私人時間改變不少，他說：「以前嘅娛樂係會打機、打波、唱K同飲嘢，但依家放假會留俾屋企人，留俾個女，我團火唔會單單放落事業，我會擺落去生活上。」Jason笑說：「囡囡應該幾鍾意聽我唱歌，因為通常佢一上我車坐佢自己Car Seat就喊同扭計，但我一唱歌佢就唔喊，所以我覺得佢幾鍾意聽我唱歌㗎！」


同場的師弟Lester曾是組合VnP成員，現在單飛發展重新出發，他說：「我覺得自己成熟咗，五年前好天真，因為讀完書，入咗大型唱片公司後，覺得就可以一帆風順，冇嘢做嘅日子令自己變得消沉，唯有主動向朋友學習點樣造好啲歌，學剪片，拍Cover片擺上網，聽多啲唔同類型嘅歌，增值自己。」