主持節目講放榜 麥明詩講起呢樣就嬲

無綫清談節目《後生仔傾吓偈》最新一集以「放榜」為主題，身為「十優狀元」兼主持之一的麥明詩稱：「放榜前一晚我寫咗個表，幾多會有咩action，因為當時我已經報咗外國寄宿學校，已經收咗，所以都無壓力。」

當年就讀拔萃女書院的麥明詩在香港中學會考取10優成績，她表示當時學校只是宣布有三位狀元，加上自己沒預計過會考得好成績，所以當得悉事件後完全「O嘴」：「好記得我個嘴同下巴跌咗落嚟，要我旁邊的同學係咁推去上台。」有人問到當時心情是否跟台慶一樣，麥明詩直言「開心過台慶」。但收到成績單後，麥明詩即時致電父母，但可能因情緒激動，一聽到媽媽的聲音便哭過不停，令麥媽媽還以為她考得不好。

放榜當日學校有記者守候，當時成為「十優狀元」的麥明詩便應記者要求與父母合照。可是提到這張相，麥明詩就有點兒生氣：「我最嬲係學校無（預先）打比我哋，搞到我嗰日無化妝，啲面油都飛晒出嚟，你明唔明踎喺圖書館兩年會係咩樣？當時我記得自己係115磅，好肥。兩年淨係溫書，啲暗瘡飛晒出嚟，當時校風又好純樸 問唔到人借化妝品……」