中環街頭欣賞藝術 蘇麗珊開心起舞

蘇麗珊個性活潑開朗，但難免有壓力的時候，她最近為品牌推廣活動，到中環拍攝AR壁畫宣揚正能量短片。由於拍攝途中遇上滂沱大雨，蘇麗珊需留在車上等了3個多小時，接近日落時候雨愈落愈大，雖然已計劃另一天再拍攝，但蘇麗珊和工作人員都不肯放棄，嘗試再走到塗鴉牆前，突然停雨還放晴，眾人把握時間立即拍攝，結果順利完成。
事後蘇麗珊說：「我每次旅行都會專登搵藝術館參觀，有時會花好長時間去欣賞一件作品，因為我會上網搵好多作者嘅資料和作品背後嘅故事。喺香港有時遇到大壓力時都會偷懶，有時會去搵展覽睇。」今次兩幅塗鴉牆都畫了太陽，蘇麗珊透露她一見到太陽就好興奮，說：「一行埋幅牆，我就不由自主咁做咗好多跳舞動作，係藝術品嘅感染力，佢令我好開心。當工作人員畀部手機我睇，原來有AR影像效果，啲花會郁，仲有陽光射出嚟，我睇到嘩嘩聲。原來可以從另一個角度去欣賞，有另一種感受。」