【心急生B？】身體唔好要補身 黃翠如：老公想搵個識照顧自己嘅BB

黃翠如出席嫁喜禮品活動，她透露為C君（鄭詩君）的婚禮擔任惟一的女兄弟，今次要幫C君傾優惠價為其慳錢，又指C君原本叫她做姊妹團，因為自己不想再著裙同高跟鞋，而C君想兄弟團服裝想要靚品牌，但她覺得浪費錢。她說：「我會幫佢響深水埗搵日式衫，兄弟無乜所謂啦！」

翠如表示不少人想到日本註冊結婚，但香港並不承認，而且要懂得日文才可完成，本身做過不少資料搜集，所以與老公蕭正楠選擇香港承認的紐西蘭註冊結婚，C君亦怕麻煩也決定香港註冊結婚。

談到可有調理身體補身，翠如表示一向有調理身體，因為自己身體不太好。問到可會心急生B？她說：「老公話想搵個BB自己識得照顧自己，但佢好有愛心，可以跟C君隻貓玩幾個鐘，比我更耐性。我屋企隻狗好癡佢，就算狗仔去完厠所，佢都會幫牠清潔，我就唔會。」