SJ D&E港騷全場爆滿 東海廣東話冇人明

已出道14年的韓國人氣男團Super Junior（SJ），一直在香港及內地都擁有大批忠心fans，SJ的小分隊D&E昨夜於香港亞博開騷，亦全場爆滿。東海與銀赫以一身閃爆金色打扮站在高台上現身，唱出一曲《Circus》，之後已立即換上另一套歌衫再型爆出場。
D&E唱出《Watch Out》、《Rum Dee Dee》等5首歌曲之後，就以廣東話向fans打招呼，起初東海用英文鼓勵fans叫大聲點，其後就表示學了一些廣東話，但並不容易，然後東海開始對著現場提示來講了幾句之後，全場都沒人明白他講甚麽，結果東海向翻譯員求救，他每講一句廣東話，都要翻譯員再翻譯廣東話多一次，相當搞笑！原來東海說：「我喺度搵緊人，要搵個好靚嘅，靚到好靚，著衫又好性感，煮飯又要好叻，又要好愛我！」他續說：「依家開始搵，就係你哋喇！」即惹來全場尖叫聲。
輪到銀赫時，他的發音比東海正確，稍為易聽懂，說：「大家有冇掛住我？我都唔係好掛住大家，因為我晚晚發夢都見到大家，不過，依家見到真人仲靚。我等咗好耐嚟香港見大家，以後要成日見。好期待嚟香港，今日要玩得開心啲，我愛大家。」獲全場掌聲。
D&E又多次到台下親近fans，其中一次二人拿着大水槍，走近fans時即狂噴水，令大批fans中招，雖然濕身但開心high爆！D&E其後又駕着電動車到台下，衝到fans面前，十分有型。在尾段時有fans送上新娘頭飾給他們，二人猜拳決定誰人戴上，結果銀赫猜輸了，要戴上新娘頭飾，東海更將頭紗蓋著銀赫的臉，全場爆笑。D&E又預告SJ會推出新專輯，並會再來港開騷。