首個個人音樂會有望騷肌？姜濤：一生總有機會

男團MIRROR 5位成員姜濤、陳卓賢（Ian）、柳應廷（Jer）、呂爵安（Edan）與江熚生（Anson Kong）出席韓國動畫活動，5子表示曾為綜藝節目《MIRROR GO》向《Running Man》取經，會分析各位成員的角色，Jer笑指Edan似足李光洙，因為是隊中的「老鼠屎」玩遊戲必輸，說：「玩遊戲最叻係佢，係叻在冇隊友揀佢，最好笑係佢盡晒力都係輸。」姜濤亦忍不住踩一腳，笑言玩猜拳亦可以輕易贏Edan。Jer更自封是智力代表，因為很擅長玩食腦的遊戲，但若然要選隊中的「金鐘國」定必是Stanley或Alton，因為最大隻。
問到可想再拍綜藝節目？5子都希望再拍旅遊節目，但12人同行要很多預算，經理人花姐未必會批準。Edan說：「可能花姐只想同ERROR去！」
姜濤正為稍後的音樂會做準備，他表示舞已排得差不多，希望藉機會帶更多舞蹈給大家。問到排練辛苦嗎？他說：「入行後已經常出粒粒，因為我仍是青春期。」Anson Kong笑言：「成組人得佢可以用呢個理由！」姜濤指表演會請Anson Lo與肥仔@ERROR做嘉賓，肥仔更是他的排舞師。問到可有機會騷肌？姜濤說：「呢一生總有機會，但不是這一次。」Edan笑說：「你可以騷咀嚼肌！」