情侶檔疑幻似真 朱晨麗聞何廣沛胳肋底

朱晨麗（朱朱）與何廣沛「情侶檔」拍攝無綫新劇《大醬園》，二人工餘時間中於社交平台「放閃」，除被網民大讚合襯、著他們快點拍拖外，好拍檔如陳煒及譚俊彥亦不禁拿二人緋聞開玩笑。

談到今次與廣沛合作，朱朱笑謂：「我哋嘅角色要合作整豉油、洗醬缸同抹缸等，有日拍曬場嘅戲份，我完全感受到佢全身男人嘅臭汗味，佢仲整蠱我，伸自己嘅胳肋底過嚟叫我聞，又攞磈抹汗布話幫我抹面，真係完俾佢激死。」

朱朱在劇中除接受演技挑戰外，更有機會作不同的嘗試，包括化大戲妝。她說：「真係第1次咋，感覺好新鮮。同事覺得我嘅造型似猴子，咁我都好鍾意睇《西遊記》嘅，如果有朝一日能夠扮演猴子，都應該幾得意吖。」