拍《大醬園》曝曬中暑 朱晨麗休克暈倒

朱晨麗（朱朱）拍攝新劇《大醬園》，為求演出神似，經常「唔錫身」落手落腳去洗缸等，由於天氣愈來愈熱加上休息不足，日前她於外景場地突然休克暈倒，工作人員隨即幫她撥扇及搽精油降溫，最後更驚動監製特意到場地慰問！
求證朱朱暈倒一事，她說：「以前我好似隻牛咁捱得，但今年天氣特別熱，加上近呢3年除咗拍劇，真係冇乜點放過假，近期都發現身體的確弱咗好多，當日又冇乜瞓過，結果搞到曬一曬就即場暈咗。」在中暑暈倒之前，已覺不適的她不以為意用手機玩自拍，期間就知不知道暈倒。朱朱乘機呼籲大家戶外活動期間，要注意防曬功夫。
對監製梁材遠聞訊後特意前來慰問，朱朱靦腆謂：「估唔到搞到咁大陣仗。其實呢套劇大家合作得好開心，有時趕戲好辛苦，一眾女演員好似我同楊卓娜咁，會排隊按摩，幫彼此減壓，之前又寓工作於娛樂齊齊包糭應節，真係好有愛。」