仲未上岸要親自送貨 陸詩韻等事業有成始認戀

陸詩韻現身電台受訪，分享其網店獲獎的喜悅，她表示早前接到通知獲第三個獎項，年底亦會有一個，開心獲得肯定，她直言零售業市道差，但仍會繼續努力，亦計劃年半內開兩間實體店。她說：「有計劃在九龍、香港區各開一間，鎖定尖沙咀及銅鑼灣。」

詩韻忙於打理生意，更會化身物流員工親自送貨，但仍可以安排時間拍劇和出席活動，笑言：「大家都笑我不用做，但其實我未上岸，仲掙扎緊！（有時間拍拖嗎？）我反而唔關心，唔係唔想談情說愛，不過38歲，都想為屋企同自己搵多啲保障。」提到了解中的緋聞男友魔術師高正安，她表示：「佢都係一位好支持我的好朋友。」問何時才可確認對方的男朋友身份？詩韻笑說：「等我事業有成先。」