大熱天拍動作片 黃德斌為搵食頂硬上

黃德斌今日到港台出席《第十二屆香港書獎頒獎禮》，德斌透露間中也有看書，多數是為角色做資料搜集，最近迷上跑步便會多看有關運動科學的書籍，但他笑認是看劇本多過看書。

談到工作安排，德斌表示最近忙拍陳木勝新片，與甄子丹及謝霆鋒合作，除了有大量動作戲外，更不乏槍戰戲，結局更有大場面。

雖然天時暑熱，但德斌笑言為了搵食也要頂硬上開工，稍後亦緊接開拍另一警匪片。問到收入是否多過無綫時期？他說：「OK啦，叫有工開囉，始終不用拍劇，檔期會較易遷就。（後悔走得太遲？）整定嘅！如果早走，又未必夠成熟，別人也不一定要找你啦！」