林秀怡靠《婚姻合伙人》彈起 與男友沙灘浪漫玩遊戲

無綫劇集《婚姻合伙人》自播出以來口碑不俗，當大家都把焦點放身材出眾的高海寧 (高Ling) 身上時，同樣有樣有身材的林秀怡（Kirby）卻以奇招搶風頭。在劇中飾演「露髀」一角的林秀怡，與陸永成了一對鬥氣冤家，經常戲弄對方，笑料百出。

向來不賣性感的林秀怡，今次在劇中大解放，經常着迷你裙，大晒白滑長腿，與陸永的一場浴缸內大戰，一襲若隱若現的絲質睡衣，出賣了她一直隱藏的驕人身材。

日前林秀怡在柴灣出席活動後，《東周刊》發現其導演男友Kevin Leung原來就在場外等她，之後更齊齊到石澳同沙灘玩遊戲。

現年27歲的林秀怡（Kirby），在《婚姻合伙人》中經常穿上熱褲或迷你裙，露出一雙白滑美腿相當養眼；同時，她又經常與陸永鬥氣，鬧出不少笑話，當中一集Kirby身穿吊帶蕾絲睡衣出浴，與歡喜冤家陸永上演一場浴缸內大戰，兩人埋身「肉搏」，Kirby一招胸壓兼用雙腿夾實陸永，引起了網民熱烈的討論，原來她的身材如此澎湃，平日只是收收埋埋。

Kirby憶述拍這場戲當日她生病，是病住開工的：「呢場戲喺性感尺度上，係我目前最大膽嘅一次，我又唔覺得真係好性感，因為都遮晒嘅，做足安全措施。」至於網民大讚她身材驕人，她則表示：「我係一肥就肥喺個胸度先，o依家拍《唐人街》比拍《婚姻合伙人》時肥咗10磅，所以反而係o依家應該好身材過之前。」

不過，於劇中Kirby要不時被陸永上下其手，與她拍拖3年的導演男友Kevin Leung就略有微言。Kirby笑言：「佢（男友）好嬲呀，詐我型，話我成日畀人掂，睇蝕晒，所以我一定要補償番畀佢。」