孖張慧儀王敏奕玩激情 梁漢文嗌難頂

梁漢文（Edmond）為ViuTV劇集《MeToo》進行拍攝，他指劇集以性騷擾為題材，戲內艷福無邊，笑言好重桃花，他與張慧儀及王敏奕（Venus）都會有激情場面。

問周旋於多位女演員好開心？Edmond說：「唔好咁講，從來未試過拍咁多，男士們唔使羨慕，因為拍攝場地好難頂，同Venus拍的一場是充滿汗味的鬼屋。（最激的場面？）床戲、浴缸戲都有！同王敏奕一場戲是強暴。」Edmond指太太不在香港，待老婆回港再詳細報備。他早前在美國巡演時被性騷擾，被狂迷非禮摸pat，他坦言當時好混亂，難免會遇到：「被搣了幾下，會痛，但我好結實！唔使為我屁股擔心。」

對好兄弟蘇永康早前透露許志安有就「安心偷食」一事向Big Four道歉，Edmond聞言說：「我唔知蘇永康有同大家講，其實安仔都唔使同我哋道歉，作為朋友，呢個階段都係畀時間佢調整，唔方便講太多。（有保持聯絡？）對上一次係上星期，簡單對答，我自己忙到七彩，不過星期五會請假去蘇永康演唱會。（安仔會去？）我真係唔知。」