感觸談離婚是時候放下 陳煒：都過咗咁多年

陳煒為代言的廚具宣傳，獲謝雪心、康華等藝員好友撐場，煒哥指與該品牌何作多年，酬勞每年都有加。主持過飲食節目的煒哥，問可有興趣上課精進廚藝？她笑言：「又冇呢個諗法，煮食經驗是自細累積，覺得好味就會鑽研，自己再mix and match一下。（有考慮做飲食生意？）生意始終困身，亦都無人搵我投資，不過都好多人搵我合作宣傳，大家互相成長。」

煒哥在節目《如果這樣生活》中再赴台灣，並感觸地談及離婚，她說：「自己都覺得係時候放低，都過咗咁多年，我之前讀書的心理學老師有睇節目，話覺得我嘅表現係未放低，但我自己就覺得係放低咗。」煒哥又表示計劃7月再繼續心理學課程。

談到香港氣氛好差，煒哥表示現在情況不是大家想見到的，應該理性處理、大家慢慢傾，不要衝動並要保護自己。

撐場的謝雪心就指女兒長大後，她仍堅持不時下廚，感覺很實在。問可想進軍飲食節目？她笑言：「不如叫《心滋味》，等我再學多點菜先，其實我識的都很小兒科。」