唔驚囡囡大個多人追 陳豪：佢係小老虎食住啲男仔

陳豪出席鐘錶品牌專門店開幕禮，被問到可會把收藏的手錶留給子女？陳豪坦言作為父親會將所有東西留給下一代，只看如何分配而已。他說早前到土耳其旅行時買了不同的玩具給子女，然後讓他們分配玩具，反而會更好，雖然爭嘢玩少不免，但會教導子女要懂得分享。
育有兩子一女的陳豪，爆料幼女Camilla好貪靚，睇到網上教導化妝片段後，經常拿太太陳茵媺的化妝品玩，兩個囝囝Aiden和Nathan就不太貪靚，不過他認為女生天生貪靚是好事。
問到女兒長大後會好多男生追求？陳豪說：「唔輪到我話事！我對女兒幾有信心，因為她不是普通女生，是小霸王、小老虎，應該會食住啲男仔。她細細個時好bossy，成日指揮人做嘢，有時兩個哥哥唔理她，但她又冇嘢，好獨立。」